ඉතිහාසය

1961 ජනවාරි 09වන දින ත්‍රිකුණාමලය දිස්ත්‍රික්කයේ චීනවරාය ප්‍රදේශයේ ආරම්භ වූ මෙම ත්‍රි/ නාලන්දා මහා විද්‍යාලය පෙර කාලයේ හඳුන්වා තිබේනනේ බෞද්ධ මිශ්‍ර පාසල යන නමිනි. ඒ සමයේ බෞද්ධ සංගමයක් විසින් මෙය පාලනය කර තිබුණි. ආරම්භයේදී කේ. ධර්මවතී මිය, එම්.එස් ආරියවති මිය හා ආර්. ලගුලේෂ්වරි යන ගුරුවරියන් තිදෙනා සේවය කර ඇත. ශිෂ්‍යයන් 35ක් පමණ සිට ඇති මෙම පාසලේ පැවැතියේ එක් ගොඩනැගිලකි. එම ගොඩනැගිල්ලේ ඉදිකිරිම් කටයුතු සඳහා රු. 1442ක මුදලක් වැය වූ බවද එක් දමිළ සංගමයක් විසින් රු.136ක මුදලක් පාසලට පරිත්‍යාගය කළ බවද සඳහන්ව තිබේ. මෙලෙස වසර 62ක ඉතිහාසයක් ඇති ත්‍රි/ නාලන්දා මහා විද්‍යාලයේ වර්තමානයේ ගුරුවරු 21ක් යටතේ ශිෂ්‍ය ශිෂ්‍යාවන් 420ක් පමණ ඉගෙනුම ලබති.